განსჯის დღე

ბარსელონაში გამართულ ფორუმზე Mobile World Congress მსოფლიოს ფიჭური კავშირის უმსხვილესმა ოპერატორებმა China Mobile-მა,Vodafone-მა და Verizon-მა მეოთხე თაობის ქსელის Long Term Evolution-ის ტესტირების დაწყების შესახებ ოფიციალური განცხადება გააკეთეს.
როგორც სპეციალისტები აღნიშნავენ, სტანდარტი საშუალებას იძლევა მონაცემთა გადაცემა 100მბ/წმ-ში სიჩქარით განხორციელდეს. ოპერატორები ქსელის კომერციულ ექსპლუატაციაში გაშვებას 2010 წლისთვის გეგმავენ. როგორც China Mobile-ის წარმომადგენლებმა განმარტეს, LTE-ს გამოცდის შემდეგ გადაწყდება კომპანია ქსელის შექმნას დანარჩენ ოპერატორებთან ერთად განახორციელებს, თუ მომხმარებელს საკუთარ გადაწყვეტილებას შესთავაზებს. Vodafone-ის წარმომადგენლის მარკ სტრიტის განცხადებით, LTE-ს გამოცდა ლაბორატორიულ პირობებში მოხდება, ხოლო რამდენიმე თვეში ქსელის ტესტირება უკვე რეალურ პირობებში დაიწყება. ამჟამად LTE-ს სფეროში სამუშაოებს მსოფლიოს უმსხვილესი მწარმოებლები Alcatel-Lucent, Qualcomm და LG ახორციელებენ. ფორუმზე კომპანია Ericsson-მა წარმოადგინა ტელეფონები, რომელთაც ასევე აქვთ 4G-ის მხარდაჭერა, თუმცაღა ოპერატორები ჯერჯერობით აღნიშნავენ, რომ ახალი ტექნოლოგიის დანერგვისთვის მზად არ არიან. T-Mobile-ის შეფასებით, 4G-ის კომერციულ ექსპლუატაციაში გაშვება 2010 წლამდე მიზანშეწონილი არ არის